Festival de Almada: o público é quen máis ordena

Ao director do Festival de Almada, Rodrigo Francisco, gústalle repetir que o festival é "un transatlántico movido a pedais", unha frase que tomou dun crítico e que se refería á enorme distancia existente entre a magnitude dos seus logros artísticos e a cativeza do seu orzamento. Este ano, as cousas puxéronse aínda máis difíciles por mor da pandemia de coronavirus. Non obstante, o festival apoiouse no seu principal activo, o público, e conseguiu organizar unha edición que o sitúa á fronte do teatro portugués.