Confirmadas as primeiras actuacións do 38º Festival de Almada

A próxima edición do Festival de Almada terá lugar entre o 2 e o 25 de xullo en oito salas de Almada e Lisboa. No ano do cincuenta aniversario da Companhia de Teatro de Almada, que estrea dúas creacións, a programación inclúe once espectáculos portugueses e estranxeiros, e será anunciada integramente o vindeiro 18 de xuño. 

O Festival de Teatro de Almada confirmou esta pasada semana os primeiros espectáculos da súa 38º edición, que terá lugar entre o 2 e o 25 de xullo. A actriz italiana Monica Bellucci baixo a dirección de Tom Volf, Ivo van Hove e os cataláns Agnès Mateus e Quim Tarrida son as primeiras confirmacións do festival portugués que anunciará a programación completa para este 2021 o vindeiro 18 de xuño.

Maria Callas – Cartas e Memórias

Texto e dirección de Tom Volf | Con Monica Bellucci

Centro Cultural de Belém | 10 e 11 de xullo